طبعاً الأسبوع الماضي امتحنت كويز في مادة اسمها
pronunciation 2., مهم الإمتحان يعني هو سهل.. لكن حمامة هفسته
من أعماق قلبها و شردت. ! > ههههع يا خي أحبني.!
لكن ليش هفسته؟!
لأنه هالمادة تسبقها مادة أسهل تعتبر مفتاح لها.. لكن أنا بحكم انتقالي عادلوا لي المادة الأولى
و بقت لي الجزء الثاني منها.!
مووووهم الإمتحان كان معظم أسئلته بدائية.. عن الكتابة الصوتية للكلمات و المقاطع و ما إلى آخره.!
ما اتفهموا أعرف.. خخخخ لكن الزبدة.!
أنا طلعت من الإمتحان و أنا متأكدة و عارفة انه حلي لسؤال الكتابة الصوتية ككككككككله خطأ.!
و في نفسي أقول بروح للدكتور و اعترف اني حاله خطأ و ما بجيب درجة زينة عن ينصدم في.!
/
/
و المسكينة أنا أروح مرتين و ما أحصله.! دوووم ذا المكتب الا مقفول.!
لأكتشف في النهاية اني أروح مكتب خطأ هههههههههههههههههع > يا خي مو أسوي ما ذنبي مباني الجامعه
تتشابه و تصميمها من داخل يتشابه.! يعني أصلا كنت أروح المبنى الخطأ..
و يوم جاءا اليوم الي بيوزع لنا في الدرجات.!
أوصل الصباح الكلاس و أسمع الطلاب كلهم يتكلموا و فرحانين انهم غاشين و امورهم في السليم.!
أنا مصدومة.. يعني فوق ذلك فاهمين المادة و بعدهم غاشيين.! يعني ايجيبوا درجات فل.!
و أنا ما فاهمة و على نياتي ما فكرت أغش و مستحيل أفكر.!
قلت يا الله العاقبة خير.. بنشوف الدرجات..
جاء الدكتور و عطانا الأوراق.. و طوووول الوقت يشوفني بنظرات يح.. حسيتها نظرات منازعة.. عتاب أو صدمة.!
تو هذي الي تشارك و شحطة تسأل و تجاوب و أنا كنت متوقعنها تجيب الأول,, جابت هالدرجة.!
طبعا هو من أول مخبرنا انه ما يقبل درجة أقل من 8.!
و الي يجيب أقل بيعطيه اكسترا اكسرسايز عشان يرفع درجته..
/
حمامة البريئة جابت 7 / 10 تخيلوا.!! و كل الكلاس جايب 10 و 9 و نص و 8 ونص.!
يعني أنا أقل وحده.! :(
موووهم طول الوقت و أنا منزلة راسي مخجلة بشكل..
جاء فجأة سأل سؤال عن معنى كلمة و محد عرف يجاوبها من الكلاس غيري.!
انا لا شعوريا جاوبتها..
الا يجي هو و يسأل متعجب من الي جاوب؟
رفعت يدي.!
ممتازة يا بنتي.. اكسلنت.! u re very good>! but u didn't do well in exam
عااااااااااااااد أنا هني طااااااااح وجهي,, حسيت بحرارة تسري في من الإحراج.!
ترى انا أعرف اني ما حاله زين..
يجي يزيدني..
u didn't get a good mark>!
اوووه جاش.! تخيلوا شعوري.. 0_o
و جلس يعطيني محاضرة متصفدة قدام كل الطلاب.. :(
كيف انه قد يكون الطالب شاطر و عنده لغة لكن ما يحل زين في الإمتحان.!
و أنا ساكتة قلت ما اناقشه تو عشان ما أكبر الموضوع.!
/
آفتر الكلاس رحت له.. و خبرته مشكلة المادة وووو سالفة الإنتقال.!
و جلس متعجب مسكين.. قال لي طيب يا بنتي ما في مشكلة بنساعدك..
تعالي لي كل أحد و ثلاثاء اشرح لك 1 pronunciation
رغم اني الأحد و الثلاثاء اليومين الوحيدات الي شوي أرجع فيهن بدري
لكن مع هذي الحاجة سلمت حتى على ذيلا.. و يا مرحبا برجعة العصر.!
اهئ اهئ اهئ اهئ مو أسوي الأحلام بدها صبر و بارض.!
و بس و عليكم السلام ×_<
24-2-2013
