تدرون خاطري أروح البحر> فيس يصيح.! يوووخي ليش ما عندنا بحر في الداخلية.! ما يخصني لاحد يقولي ترى التضاريس و مدري شو.! احين ع كثر التغيرات و الاختراعات و المشاريع الي يسووها و لا قدروا يسو لنا بحر في الداخلية.! نزين بس بحر صغير و قدامه شوي رمل و كم طائر نورس.! ما لازم سمك.. بس ماي.! اهئ اهئ ابى أروح البحر والله فووااااااادي.! صاحيه من نومي و في بالي البحر.! نعم خاطري من زمان :<
/
و بعد هذي العاملة الجديدة الله يهديها مستنزفة وااااجد من بارضي و صبري.!
أنا من هناك أرحمها انها جديدة يعني و غريبة و ترى ما لغتها و ما تفهم.!
والله ما تفهم لا عربي و لا انجليزي.. و تخيلوني عاد ماسكه فوني و كله افتح
ترجمة جوجل.. أكتب الكلمة بالعربي و يعطيني ترجمتها الأندونيسية.,! خخخخخخ> بس بس أعرف إني علي أفكار.!
و شسمه عوين تناديني مدام.! يوووووووووخي أنا ما مداااام، أنا بنت أنا بس مروجه.!
و أول أمس صراحة سوت فينا حركة عاد ما حركة.!
عوين هذي عاملة أختي كانت عندنا في الويكند الماضي و بدت تعلمها شوي الأعمال الأساسية و هيك.!
و وصلوا على سالفة رمي الزبالة، و علمتها.!
إلا هذك اليوم يجيني أبوي يقولي يا بنتي شوفيها هذي العاملة هين ترمي الزبالة؟!
خير أبوي هين ترميها.!
ترميها قريب من بيت الجيران.!
شوووووو.! وا فضيحتاه.!
روحي كلميها و شيلوا الززبالة الي مرمايه عند بيت الجيران ما زين!
مهم رحت.. و على وجهي ابتسامة! مسجدا _ اسمها_ هين ترمي زبالة البيت؟!
طبعاً لا جواب.. خخخخ أنا بعد ذكية! يعني عارفه اني ما بحصل جواب..
زين.. خذيتها هي بكبرها و خرجنا من البيت..
و خذيتها إلين المكان الي راميه فيه الزبالة.! قلت لها يلا بنت الحلال خلينا نشل أكياس الزبالة
و ناخذها لهناك_ أأشر لها على الدرام الي يتجمع فيه القمامة.!
و عااااد فهمت.! إنه هنا خطأ نرمي.. و كله تقولي حازمة حازمة.. اسم عاملة أختي الي معلمتنها إنه
هناك تنرمي الزبالة.! _ تبى تعبر لي إنه حازمة هي السبب لأنه هي معلمتنها إنه هناك يرميوها.! بس يحليلها خانتها اللغة.!
يعني هو صحيح في هذاك المكان كان فيه قراطيس و زور مال نخيل شوي..
بس يعني صندوق القمامة الكبير مبين شوي على قدام.! مدري كيف ما شافته.!
مهم و جمعنا كل الي سوته.. و برينا ذمتنا أمام الله.. و لا نأذي أحد.!
/
و بعد، شسمه آبى اسوي صبغة طبيعية لشعري..
لكن ما محصله حد يسوي لي :( ، بنت أختي أكلمها من الصباح عشان تجيني.. لكن شكلها نايمه و ما ترد.!
و الصالون ما بروح و ما بروح .!
كان ما أمسك مسجدا و أخليها تسوي لي.!
/
و بعد و أنا أمس أدهن رجولي.!
جاني خاطر إني آبى أقول للبنات و الصبايا..
بنات حبيباتي ترى جمالكن يكمن في نعومة يديكن
و رجولكن و نظافتكن الداخلية و الخارجية و غرفكن النظيفة..
و ترتيبكن للمطبخ.! ما بس في المكياج و الوجه..!
اهتمن تدهنن يديكن و رجولكن دائماً نزين.!
و شكراً 0_O
/
وااااجد حكيت صح.!
لحظة بعد شيء..
هالصووورة من شفتها ضحكتتتني بشكل.!
ياااخي آبى أعرف وش اسمه ذا الكرتون.!
حابتنها ذي البنت .*!
/
بس خلاص خلصت.. و يلا مدونتي. في حفظ الله.!
