بنات الجيران.*

الشيء الجميل الي صار اليوم..إنه بنات الجيران القريبين من بيتنا..

قررن إنهن يجين يتعشين عندي.!

رسلت لي أقرب وحده لي منهن..

مروجه عندك مشوار اليوم بالليل؟!

_ لا ما عندي خيتي.. واااي؟!

_ اممممم.. بصراحة عندنا لك مفاجأة لكن دامي الحين

بقولك.. ما بتصير مفاجأة.!

_ طيب وش قوولي؟!

_ حابين نجي نتعشى عندك، يعني نعزم نفسنا أنا و

بنات الجيران.. بيتهم كذا و كذا و كذا..إلخ.!

_ حلفي ! يا ربي صدق؟! ويييه هالبنات من زمان

عنهن.. شخبارهن؟

_ طيبات.. من الأسبوع الماضي طاريينك.. و نقول

مروجه ما يلها حس بالمرة و كله وحدها.. خلينا نطب عليها

نتعشى عندها..

_ و لااااا تسوي أي شيء.. بنجي نحن و عشانا.!

/

\

جد محد يتخيل كيف فرحني..

الجيران من ريحة ماماه..

لما كانت ماماتي موجودة.. كان البيت

ما يخلى من الجارات..

و من لما راحت.. ما صار أحد يزورني

أبداً.. يمكن بحكم إني أنا طول يومي في الجامعة..

و يبقى البيت محد فيه.. و هيك.. و كثيرين صاروا يقولوا لي..

 ما نقدر ندخل البيت.. نحس بالوحشة و الغالية موزة ما موجودة..

فعلاً صرت أشتاقهن كثير جارات ماماتي..

/

جين البنات.. الله يسعدهن مثل ما أسعدني اليوم..

و قررت اليوم أحط روج أحممممممر بدون تخفيف..

و أحط كحل..!

و فعلاً حطيت.. ههههه اشتقت لي يا خي.!

/

الله يسعد قلبهن..

كثر الضحكات الحلوة الي ضحكناها.!