لــقطات, 3"

و العـمر كله لحظات.!
لعلي أحاول أسجل شيء هنا..
عشان في يوم إذا احتجت أرجع نفسي للزمن
القديم.. فتحت مدونتي.! و قلبت صفحاتها..]

حبيتها هاللقطة.! خالي يمسح دموع شموسي الدلوعه.. بنته.!

بكره تكبر.. و تشوف شلون كان باباتها يمسح دموعها بكل

حنان..
 

هذا ثالث يوم العيد.. لحم الشواء.. للي ما عندهم هالعادة.!

هذي عادة في عمان  و هي/ طبخ اللحم في التنور لمدة يوم كامل أو

يوم و نصف.. يوضع داخل "الخصفة" .. اممم يعني كيس كبير

مصنوع من سعف النخيل.! يوضع بالتدريج طبقة من أوراق شجرة

الموز.. طبقة لحم بعد تتبيله طبعاً.. ثم يحكم إغلاق الخصفة..

و رميها في التنور.. الذي عادة ما يكون مشترك لـأهل القرية أو

المنطقة جميعاً.! طعمه لذذذذذذيذ سبايسي ^-^

 

و هني بعض المشاكسين القلبونيين جالسين يشربوا ماي من حنفية خارج في الحوش.!

و تم اصطيادهم طبعاً هههههههع.! عنوووني حمادة.!
 

و هـنا رحنا ثالث العيد أنا وبنت أختي شوي ناخذ لفة و دخلنا كنتاكي ناكل..

و صارت حركة محرجة تشه هع.!

بكره بحكيها لكم..

 

و بعد الـأكل رحت أشتري عطور من شكرتي مال الرصاصي طبعاً

 ههههههع لأنه 77 % من عطورهم جربتها.. والله ادمان عندي للعطور.!
آبى أتخلص من هـالشيء بس ما عارفه كيف أمسك نفسي :(

يعني هالعطور ما انها جديدة علي.. كانت عندي من قبل و مخلصة.!

بس أنا أحبها و رجعت أشتريها مرره ثانية.!

احم.. الله يعطرني من روائح الجنة يا رب.!
 

لـقطة استهبال شوي.. هذا ولد أخوي يحاول يعلمني  كيف أوقف علبة الديو

على جنب بدون ما تطيح.! و بالعفففل سويتها و نجحت و وقف بدون

ما يطيح.! ههههع..

 

 بالنسبة لي ..الـتفاصيل الصغيرة..

تحمل سعاداتٍ كبيرة.!

/

\

و انتهى العيد.. بس ما انتهت الأفراح.!

صباحكم سكر.. مثل قلوبكم..