لـأول مرة 2.!

و نرجع شوي لـأحداث قديمة, ما سمحت لي الفرصة أسولف عنها..

طبعاً هذاك اليوم حضرت و بنت خالتي دورة إدارة التغيير لـ / 

دكتور طارق السويدان.!

رحنا الكلية التطبيقية المكان الي أساس إنه الدورة رح تكون فيها..

و لما وصلنا.. نشوف المواقف من برع فاااضية و لا حد له حس.!

و واجهتنا اللافته التنبيهية بأنه الدورة نُقلت إلى جامعة نزوى..

طبعاً أنا فرحت لأنه جامعتنا و الأماكن فيها مألوفه.!

و انطلقنا فراري عشان نلحق نحصل في الكراسي الأمامية..!

و صلنا و انتظرنا شوي لين ناخذ تذاكرنا..

و لما دخلنا أقرب مكان حصلنا هو في الصف 5 في أول كرسيين 

من الأخير.. طبعاً نحن ما عاجبنا المكان لأنه شوي بعيد من وسط

الستيج.! المهم و هناك بنت من المنظمات أزعجتها مسكينة.. 

لو سمحتي هذيلاك الكراسي الأمامية الثلاثة فاضية؟

تقول لي / لا مجحوزات للأسف..

و مره شفت غيرهن.. ناديتها لو سمحتي و هذيلاك الكراسي

بعد محجوزات؟ قالت لي / أيوا أختي محجوزات..

و جلست مكاني.. و مره ثالثة شفت غيرهن و ناديتها وسألتها..

هههههههع أزعجتها.. لكن هي كانت ذوق ما شاء الله عليها..

و طلعن بعد هالكراسي محجوزات.. بعدها استسلمت و جلست..

و كل شوي يجي في بالي و بنت خالتي تقول ياخي هالمكان ما حلو

بعيييد.. بعدها فجأة اتذكر و أقولها الحمدلله انا ما أبعد عن كذي..

الحمدلله غيرنا جالس أبعد..

إلا فجأة / تجي هذك المنظِمة و تقول لنا.. في كراسي أمامية

في وسط الصف الثالث فاضيات إذا تحبن تنتقلن..

طبعاً نحن الفرحة الغامرة.!طبععاً نريد نقترب..

و نسمع الناس الي غيرانه ورانا.. هههههع لا ما نرضى حتى

نحن بعد نريد نقترب.!

و انتقلنا الحمدلله..

لما جلست تذكرت في خاطري :  " و لـئن شكرتم لأزيدنكم "..

/

\

و في الحقيقة كانت الدورة جمييييلة.. أحسها شحنتني بطاقة

كنت محتاجتنها.. و دكتور طارق ما شاء الله على أسلوبه..

تمنيت لو طال الوقت أكثر و تكلمنا أكثر و أكثر..

و تمنيت لو إني أقدر أجذب ناس أحبهم لحضور مثل 

هالدورات..

و هذا الرابط فيه ما تحدثت عنه الدورة 

لكن طبعاً الحضور بشكل حي أروع بكثير..

http://www.youtube.com/watch?v=CpcSccuzhuQ

و هنـا هذا الإنسان المتواضع نازل يسلم على الجمهور..

و جاء صوبنا و حسيت نفسي عفوية واااجد هههههههع

كان واقف جنبنا و قلت له دكتور أنا كثير فرحانه لأنك

انت بيننا.! هههههههههههع قسم كنت بريئة..

و وحده من الحضور سألته و هو ما زال واقف جنبنا 

دكتور انت كم كتاب تقريباً تقرأ في الشهر؟!

قالها / 10 كتب تقريباً.. طبعاً هنا حسيت انها

صفعه هذي على وجهي.. كتاب والله و عاد لي شهر أهيسه.!

بعدين مره وحده سألته/

 دكتور انت كم ساعة تنام في اليوم ؟! قالها من 4 إلى 6

ساعات.. طبعاً أنا و بنت خالتي شفنا بعض.!

و بنت خالتي رفعت تشوف عيونه.!

ههههههه ولما راح تقولي ياخي ما فيه سواد

تحت عيونه ما شاء الله.!

قلت لها طال عمرك / هذيلا ناس يحققوا أحلامهم و هم

صاحيين.. ما يطولوا في النوم عشان تجيهم الأحلام في

مناماتهم.!

/

\

حقيقي انه انسان قلب و ينج على الجرح يبرئ.!

و في النهاية حصلنا على شهادة معتمدة..

و تجربة واقعية رائعة.!

^_^