الحـارة و أيامنا..

رمـضان خـلص.. العيد خلص.. و العرس و خلص.!

و العـودة إلـى ظفار قربت.! و الله يعيني و يصبرني.!

أهـلاُ يا الدراسة.. و مرحبا يا أحـلامي..

اليوم أقول لمـاما خلا شوي نتمشى في المنطقة.. ملاااانة واجد.!

قالت لي ما أقدر يا بنتي.. كل شوي أجلس أوقفك أستريح..

قلت لهـا عاااااااااااااااااادي ماماه وقفني حتى 10 مرات بس خلا نطلع شوي..

هـي ما رضت و قالت روحي نزين وحـدك بس ما تتـأخري.!

رحـت و أنا كان خاطري نطلع مع بعض نفس زمان.!
تمشي وحـدك تحس ..

ههه و أنـا أمـشي.. الشارع هـاااادئ ما غير الصغيرين الصغار يسوقوا سياكلهم في الطريق.؛ كنت استرجع أيامنا أول.. أيام صديقاتي و كيف كنا كلللل يوم لازم نروح الدكان نشتري.!

و من العصرية و احنا نلعب برع.. هع تزوجتن الله يسامحكن و خليتني وحـدي..

أعتقد انه أولاد الجيران كلهم لاعبين معهم.. أذكر كان عندي سيكل لونه بنفسجي, بابا مشترنه لي من الإمارات.. أوني البنت الدلوعة بينهم عندها سيكل.! لــكني البغام أنـا ما كنت أعرف أسوقه و هم الحراميه كانوا يسوقوه عني.!

ههههههههع مستحيل كيف كنت مخرافة.!

كـبروا الصغار و احين عاد نصهم متزوجين.. و النص الثاني لا شفتهم ما اعرفهم.!

مشيت و مشيت و بعـدها جيت راجعه..

ارسم خُطى / اشطب مسافات / وأسير

حدي تظل الأرض و الأرض حدي
تدري لو اني طير وش كان بـ/ـ يصير؟
كان الدروب اللي تودي ؟ تودي....