صــباح الـكتب.,
و أحـلامي الجميلة..
و مستقـبلكم الأجـمل.×
/
\
يـعني هـو أنـا صح علي امتحانات..
لـكن الله يهديني ما أعررررف أجلس عند
الكـتب 24 سـاعة 0_o >
لـازم أتحرك مني مناك.. و أتبلسع بأمي مثلاً
و لا حبوة و لا الـعاملة و لا ابوي.! خخخخ
و لا حتى الصغار الي أنتظر قدومهم بفارغ الـصبر وقت الامتحانات..
خخخخخ عيارة عشان آخذها حجة ألعب معهم و مـنها أغير نفسيتي شوي.!
/
\
سمـعوا مني ترى ما زين الواحد يجلس منغمس بين الكتب طول يومه.!
ذاكـروا , لكن ذاكروا بنفس مفتوحة عشان تنجزوا أكبر قدر ممكن.!
مووووهم أمـس..
ماما كانت عاجـنه عشان تخبز خبز عماني.!
و طبعاً أنا الله يهديني ما أعررررف أخبز.. والله حاولت
أتعلم أول لكن عوين ما كملت.!
و تو عاااد يوم ماما صارت صحتها ما تسمح و شرايين صناعية..
صار لازم أتعلم جد جد بدون ضحك..
و أمــس كان أول درس.! خخخخخخ
/
\
هي طبعاً عجنت العجين و خليناه يستريح.. و بعد فترة شردت من وراي
و راحت تبدي تخبز..! أنـا ما حسيت فيها لأني كنت في غرفتي.. و بالقدر
جايه أختي الكبيرة عنـدنا و شافت أمي تخبز و أنا في الغرفة.!!
و عاااااااااااااااد من يلحق حمامة ذك الـساعه من القشاب..
هئ هئ هئ والله ما ذنبي.. هي ددوم تعاند.. يعني متفقين أنا أخبز عشان أتعلم.!
/
\
مووووهم خرجت و رحت بديت أخبز.. أنا من هناك معصبة لأنه ماما سلختني
و بالتالي سببتلي منازعة.. و من هناك في ضححححكة و تقفيزة من لمسة
صباعي لـ " الـطوبج " سااااخن.. احم احم لكن أوني معصبة ما ضحكت و لا قلت آآآي.!
/
\
و غامتني العاملة كل شوي تجي تتطنز أوو إنتي حمامة ما تعرفي.. يا الله شو هيدا.!!
< خخخخ الاخت ترى مشتغلة في لبنان قبل >.!
قلت لها انتي سكتي يا سبينه عن توووووو, يعني عاد انتي اللي تعرفي حضرتك.!
تقول/ إي أي آنا تعرفي.!
يلا حبيبتي حمامة انتي روحي صلي, شوفي هيدا فيس انتي واااجد أحمرررر.!
/
\
الله أكبر سبينه.. من هين طالعه حبيبتي بعد .. ههههههههههههع.!
و فيسي احمر أكيد ترى نار قويه.!
/
\
موووهم قمت عاد صلاة المغرب بتفوتني.. و رحت أصلي..
و خليتها هي و حبوة.. خخخخخ عوين حبوة قالت بتخبز و هي مسكينة بروحها
نظرها ضعيف و صحتها تعباانة.. لكن جالسه حال أمي أنا اخبز عنك و جيبي بخبز عنك..
عاد أنا قلت أعطيها تخبز ما أكسر بخاطرها.. و أنا أروح أصلي.!
/
\
و هـــني أقوى شي.. خبزي الجميل.. > فيس مستحي
و لااااا رغيف محترم.. كله متفتفت..
لـكن عادي لذيذ مع لبن.. و أصلا المره القادمة بسوي نص رغيف كامل
و اللي بعـدها رغيف كامل.!
و لين أصير خبره > احم احم
و حياكم.!
ليست هناك تعليقات:
إرسال تعليق