نوع من العـج ــب.. و الفرح و الجنون.!

ااممممم..!

ثم ايش؟!

ثم إنه اليوم صار شيء مفاااااااجئ جداً.!!!

جداً.!! و سعيييد.. و مففففرح..! و عجيييييب..

يعني في الحقيقة من كثر ما أنا مصدومة.! حاسه

إني ما عارفه أعبر..

و لذلك رح أحكي بعاميتي الخفيفة.!

/

\

اممممم صحيت الصباح.. حصلت مسج

من عند صديقتي.. *مرجاني بجي عندك على

س 10 و نص أجيب لك أغراضك.. بتكوني موجودة؟!!

قلت لها حياك  طبعاً و بكون موجودة..

صارت 10 و نص و جت رحاب.. رحاب ما غريبة

دخلتها غرفتي.. و جلسنا نسولف و حكاوي مني مناك..

فجأة قلت لها رحاب سوي لي مناكير..

جبنا المناكير و بدت تسوي لي..

طلعت لرحاب شبس و بسكويت ههههه لزوم الضيافة.!

و أنا كذي مادة ظهري في سريري و رحاب جنبي.. 

و معنا بنت أختي.!

فجأة رحاب قالت لي بروح دورة المياه.. و دخلت أختي

الي توها واصله.!

قمت و سلمت و كذي.. و جلست جنبي ع السرير..

قالت لي أشوف نعلان برع عند المجلس.. حد جاي؟!

قلت لها لا محد.. يمكن ذلاك نعلان أولاد الأخوات تعرفي

غداهم اليوم هنا.! قالت لي آه.. زين..

فجأة أختي تطلع من الغرفة.. و يدخلن صديقاااااااااااتي..

هابي بيرث داي مرووووجه.. هااابي بيرث داااي مرووووجه.!!!!!

و في يديهن كيكة و ورد.!

و أنا ، أيوا أنا صار لي ستك.!!!! و 70 علامة تعجب في وجهي..

فمي مفتوح و عيون واقفة من الصدمة.!!

قمت بقوة.. ها.!!! مو نوبى " طبعاً هالكمة العجيبة.".. 

كيف يعني؟!!!

اللقطة هن يحضنني.. و أنا حاسه وجهي طماطمة.. يدي ترجف..

و فجأة انففففجرررت أببكككككي.!!!

يعني في ضحكة و في صياح.! و غلب الصياح..

مختيلين كيف الشعور غريب و جميل و مفاجئ و لا يوصف.!!!!

/

\

قمت من مكاني.. خذني للمجلس.. و أنا حضرتي بملابس البيت..

و شكل البيت و ربنا كما خلقتنا.!

طلعن مرتبات المجلس و نافخات البالونات.. و مجهزات المكان..

يا عمري أنا.. أحين أحكي و فيني الدمعة..

دخلني المجلس و أنا مشاعري ملخبطة.. ودي أقولهن شكراً شكراً شكرأ

من أعماقي و توصل لأعماقهن.. ودي أضحك بقوة.. و ودي أصيح بقوة.!

مدري مستحية.. و أرجف هههههه كأنه بيخطبوني..!

و ف الحقيقة كنت مستحية كثير.. و فرحانة أكثر.!

/

\

مفاجأة لا على بالي و لا على خاطري..

طبعاً هالحفلة سابقة ليوم ميلادي..

أنا ميلادي بالثلاثاء تاريخ 8..

بس قلوبهن الجنة.. قررت إنه هالحفلة

لازم تتقدم لأنه هن متجمعات..!

/

\

أول مرة في حياتي أقص كيكة ليوم ميلادي..

و العجيب إني اليوم الصباح و أنا أغسل وجهي..

دار في خاطري.. هالأسبوع يوم ميلادي..

الميلاد الأحزن و الأول بدون أمي.!

ما توقعت أبداً إنه ينتظرني شيء جميل.. من

هالنوع.!
و هنا جانب من اللحظات../

فرحااااانه بجد.. ربي لك الحمد..
شعور حلو جداً لما يصير عندك أحد
يخطط من وراك عشان يرسم في قلبك..
مش بس على وجهك.. ابتسامة رضاء..
و شكر.. و سعادة.!
كل التخطيط كان من وراي.. بالاتفاق
مع أخواتي.. و بنت أختي.!
و مروجة نايمه في العسل..
و آتاري الخلية شغالة.!

بطة حبيبتي.. أزهار.. صفو.. آثور.. احابي.. و مريومة.. و زمزوم..
و كل صديقاتي الي كان ودهن يشاركن بس ظروف البعد منعتهن..
أحبكن كثير..
أرجوا ربي إن يجمعنا في جنة الخلد حيث مستقر السعادة الأزلية.!