كائنات سعادتي.!

ماري الجميلة.. و بنت أختي الصغيرة..

من لما كانت أمي موجودة.. كانت تجي دائماً

الصباح تجلس مع ماما.. تسليها و تونسها..و تلعب.!

/

و حتى بعد ما راحت ماماه..

صارت تجي عصر عندي بعد ما أرجع من الجامعة..

تجلس معي لين يأذن المغرب..

تسولف لي و تسولف و تسولف.!

و مرات أكون تعبانة و السالفة ما مضحكتني أو

ما قادرة أتفاعل زين..

لكن و الله براءتها.. و جمالها و خفتها.. تخليني

أعيرها كل اهتمامي..

مرات نخترع لعبة.. و مرات بس نجلس نتمرجح..

و مرات نزرع.. و مرات نشوف رسوم.! و مرات أنا

أكتب شغل الجامعة و هي ترسم جنبي..

/

أمس فطرت في بيتهم.. و قالت لي خالتي

أنا عندي 7 بنات و ولدين.!

هني أنا عن جد ضحكت.! 

اووووه يا ماري لو انتي عندك 7 بنات و ولدين

بشوفك رابطة راسك من الصداع.!

بعد قلبي المهم.. قالت خالتي خلا نسبح أولادي..

قلت لها خلا نسبححححهم و ننظفهم..

 و طلعن 4 بنات و 3 أولاد الي هم الخرفان و الدبدوب الأبيض الصغير..

 و هنا رميناهم في الغسالة و سوينا لهم شامبو ^_^

 و هذيلا الأم و الأب على قولة ماري.!

و هنا العائلة الظريفة اللطيفة الجميلة نظيفين و مستحمين و ريحتهم حلوة.! 

/

نجي على هالاتي و لولي _ آلاء..

 رحت مسقط بزيارة لموعد.. و الناس صايمه.. و منخشة في البراد..

و لولي و هالاتي يطبخن برع في الحوش.! مدري وش ذك الأكله الي يسونها.. أعتقد ميني بيتزاء.!

 ماخذه راااااحتها جدددداً لولي و جالسه بكل أريحيه في التراب..

و هالاتي هنا تعجن..

/

و نجي احين لـ/ ندو _ ندى.!

تعرفون هذاك الشعور لمن أحياناً الأشياء البسيطة جداً

تسبب سعادة كبييييييرة.!

أول أمس لما رحت مسقط.. جين بنات أختي ينامن في البيت..

رجعت أنا من مسقط.. و فتحت دولابي.!

أمس ما انتبهت.. و اليوم و أنا واقفة آخذ غرض منه.. شفت 

هالهدية الطفولية..

الورقة ملفوفة داخل البكلة.!

حبيبتي ندو.. جد.. أنا محظوظة لأني

عمه و خاله لمثل هالكائنات الي تبعث الفرح..!

/

أحبهم..