الـأمر الجميل.! و الصعب في نفس الوقت..
إنك تكون شبه منتهي من الطاقه.. مريض
و محموم.. و بالكاد تتنفس.. و رغم ذلك مضطر تقوم
و تقاوم و تسعى.!!
لـأنه ببساطة إذا ما خلصت أمورك.. محد بخلصها عنك.!
و ما في مجال لتقدير ظروفك.!
/
\
و اللي صار معي..
إني يوم الأحد كنت مريضة جداً جداً جداً..
محمومة لدرجة إني أحس بالحرارة تطلع من عيوني..
حلقي يجرحني و يا دوبي ينسمع صوتي.!
و رغم ذلك بالأحد كان علي امتحان.!
معناته لازم أستنزف آخر قطرات من الطاقه و أقوم..
/\
خرجت من البيت و في قلبي حديث أماسك فيه
روحي.. و كنت أسوق شوي شوي شوي لدرجة
إنه معظم السيارات كانت تتجاوزني..
/
\
و صلت المحاضره.! و كنت متنمية بششدة انه
الدكتور يعفيني عن الإمتحان اليوم.! لأنه أصلاً طبيعة
هالإمتحان Oral يعني شفوي.. نترجم نص بطرريقة شفويه.!
و الي زاد الموضوع إنه قال لنا ينمتحن أول على شكل writing
ثم Oral .!!!
يااااا الللللله.. يا رب.. أرجوك لا طاقة لي.. خلاص اليوم قررت أروح
العيادة.. آبطلع من الكلاس بأي طريقة و أروح العيادة.!
/
\
لكن لا مفر.! عطاني الدكتور ورقة الإمتحان.. و بديت أحل
و ظل على راسنا بسرعه و حركوا و يلا عشان نمتحن الجزء الثاني.!
أحين أنا ما أدري كيف خلصت.. و هو ينادي فينا الي يخلص يعطيني
عشان أمتحنه الشفوي..
و أنا مخلصه بس ما مستوعبة شلون أنا ما قادرة أحل و مخلصه!
لا يكون أنا مخرفه.. ليش محد مخلص.! كيف أبدي أنا الإمتحان الشفوي
و أنا صوتي بح.!!
و شفتهم طولوا محد خلص.. و الدكتور شايفني مخلصة.. جاني و سألني
مخلصة قلت له يس قال نزين يلا بندي معك..
هني سلمت أمري لله.. و امتحنت أورل.!
و خلصت..
/
\
يتبع.
ليست هناك تعليقات:
إرسال تعليق