نصف و نصف.!

مساء التمسك بالله..

بالأحلام..

بالحب و الخير.!

/

امممممم.. يعني والله اني من كثر ما اني تعبانه من

الأوراق و الكتابة.. مخي مفتر.!

و عيوني صايره ثقيييلة و تحرقني و أحس

صايره تلف مثل عيون ماروكو ^_^.!

لكن مشتاقه مدونتي..

عندي أشياء كثيره بحكيها..

و كالعادة لما يكون في شي كثير ينقال..

ما يعرف الواحد من وين يبدي و كيف.!

و يصير كذي مثلي يكتب مقدمة ما لها داعي 0_o

اممممم..

و مرات كثيرة لما الدكتور يشرح.!

أنا مخي يسوي جولات..

طبعاً إذا شرح الدكتور حلو و جذاب.!

عقلي يبدي ينبش عن شي سؤال في داخله.!

مرات يصير مزعج عقلي.. و أغلب الطلبة ما يحبوا

الطالب الي يسأل كثير..خخخخخ عشانه يطول الوقت.!

مهم.. لذلك يعني أسكت في أحيان كثيرة و أبلع سؤالي..

و اذا حصلت فرصة أسأل الدكتور على هدؤ كان بها.!

و نجي على الصنف الثاني إذا شرح الدكتور ممل.!

و الموضوع كئيب.!

عقلي المصون يبدي يشرق و يغرب و يسافر ايطاليا

و بريطانيا و كل مكان خاطره يزروه بأحلامه.!

/

\

و في هذي  المحاضرة، الدكتور كان يحكي كلام حلو

كثير.. عن الدوافع و الحياة و التعزيزات الايجابية و السلبية

و العقاب..!

و طارت حمامة.! تعزز نفسها.. 

عشان تغير مسار حياتها عن الخط

المزدحم الي ماشيين فيه كل الناس..

بتختار لحالها طريق مختلف يناسب ضميرها..

و أحلامها.!

أحس نفسي مثل الي فيه حمى و جالس يهروث..

لكن صدقوني وقت الحمى و الهروثة تطلع 

الأنصاف المخبئة من أعماقنا..

نصف الجملة المفقود..

نصف الحب..

نصف الضحكة..

نصف الدمعة..

نصف الحلم.!

نصف التعب..

و نصف كل شيء.!